Түркия билігі елде жасалмақ болған мемлекеттік төңкеріске қатысы бар деп тағы да 15 мың мемлекеттік қызметкерді жұмыстарынан шеттетті. Осылайша қызметтерінен қуылған мемлекеттік және әскери қызметкерлердің, шенеуніктердің, журналистердің және университет оқытушыларының жалпы саны 110 мың адамға жетті.
Мұнан басқа 9 бұқаралық ақпарат құралы, 500-ге жуық әртүрлі ұйым, оның ішінде қайырымдылық қорлары да жабылған.
Биыл шілде айынан бері жалпы 37 мың адам тұтқындалды. Олардың ішінде Cumhuriyet газетінің журналистері, күрдтерді қолдайтын оппозициялық “Халықтық демократиялық партияның” лидерлері бар. Қазіргі кезде Түркияда мемлекеттік төңкерісті ұйымдастырмақ болды дегендерге қатысты өлім жазасын қайтару мәселесі талқыланып жатыр.