Еліміздің 9 облысында дабылды ескерту жарияланды
«Қазгидромет» РМК жауын-шашын болып, күннің жылынуына байланысты бірқатар облыста су деңгейі көтерілуі мүмкін екенін ескертеді.
Бұл туралы Baq.kz хабарлады.
16-18 наурызда Батыс Қазақстан және Атырау облыстарында жауын-шашын жаууына және күннің жылынуына байланысты еріген қар суынан су деңгейлері көтерілуі және жайылуы мүмкін екені туралы қауіп бар.
17-18 наурызда Қостанай және Ақтөбе облыстарында жауын-шашын мен ауа температурасының жоғарылауына байланысты қар еріп, су деңгейі көтерілуі ықтимал.
18 наурызда Ақмола және Солтүстік Қазақстан облыстарында жауын-шашын мен күн жылынуына байланысты су деңгейі көтерілуі және су жайылуы мүмкін екені жөнінде қауіп бар.
18 наурызда Қызылорда және Оңтүстік Қазақстан облыстарында жауын-шашын мен жылы ауа температурасының сақталу болжамына байланысты су деңгейі көтерілуі мүмкін.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе