Елімізде көлік 12 пайызға арзандауы мүмкін
ҚР инвестициялар және даму министрлігі “Cату кезінде қосымша құн салығынан босатылатын көлік құралдары мен ауыл шаруашылығы техникаларының тізімін бекіту туралы” бұйрық дайындап жатыр. Құжатқа ақпан айында қол қойылып, жарияланбақ, деп хабарлайды Kolesa.kz.
Бұйрыққа сәйкес, қазақстандық кәсіпорындардың бөлшектерінен жасалған жеңіл автокөліктер, жүк көліктері, тракторлар мен арнайы техникалар қосымша құн салығынан босатылады. Яғни шеттен әкелінетін бөлшектерден көлік құрастыратын және ҚР инвестициялар және даму министрлігінен қолдау алған жергілікті зауыттардың өнімдеріне салық салынбайды. Сәйкесінше Қазақстанда құрастырылатын көліктер 12 пайызға арзандауы мүмкін.
Осы орайда “ҚҚС жойылғаннан кейін автосалондарда баға арзандайды ма?” деген заңды сауал туындайды. Кәсіпкерлер әзірге толыққанды жауап бере алмай отыр (олардың арасынан БИПЭК АВТО ғана жауап берді). Олардың айтуынша, бұл мәселеге қатысты соңғы шешім әлі қабылданбаған, бірақ құжат күшіне енгеннен кейін мәселенің түйіні тарқатылмақ.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз