Жылына мұндай жетімдердің 250-ден астамы қайта керексіз болып қалады екен. Әрі бұл үшін ата-аналарға ешқандай жауапкершілік қарастырылмаған, деп хабарлайды КТК арнасы.
«Бала сүп-сүйкімді болса ешқандай проблема туғызбайды деп ойлайды. Бірақ, олар асырап алуға дайын емес. Баланы асырап аламын деп ниет білдірген жанұяға олар үшін бір дайындық керек», – дейді ҚР Білім және ғылым министрлігінің комитет төрағасы міндетін атқарушы Ержан Ерсайынов.
«Жетімді бауырына басқысы келетіндер үшін арнайы мектептер ашылған. Оған бару – тегін. Біз осында әрбір ата-ана оқып, отбасының қадірі жайлы көбірек білсе дейміз. Өйткені, бұл асыранды ұл-қызарды кері қайтару дерегін азайтады деген үміт бар», – дейді «Сәби отбасында өмір сүруі тиіс» қоғамдық қозғалысының жетекшісі Шолпан Байболова.