Елбасы машина жасау саласының ел дамуына үлесі зор болатынына сенім білдірді
Астанада Қазақстан машина жасаушыларының V форумы өтіп жатыр.
Форумда ҚР Үкімет басшысының бірінші орынбасары Асқар Мамин Елбасы Нұрсұлтан Назарбаевтың Қазақстан машина жасаушылары V форумының қатысушыларына арналған құттықтау хатын оқып берді, – деп хабарлады ҚазАқпарат.
«Қуатты әрі өнімділігі жоғары машина жасау саласын құру – елдің экономикалық дамуының ең басым бағыттарының бірі. Мемлекет салаға жан-жақты қолдау көрсетуде, сондай-ақ бұл салаға стратегиялық инвесторларды тарту мен ауқымды инновацияларды енгізу тұрғысында барлық қажетті жағдайды жасауда. Бүгінде Қазақстанда отандық компаниялармен бірге әлемдік нарықтың көшбасшылары да өздерінің қызметін табысты түрде дамытуда»,-деп атап өтілген Мемлекет басшысының құттықтауында.
«Машина жасау саласын кешенді жаңғырту мен оның халықаралық деңгейде жүйелі түрде алға жылжуы Қазақстанның жаһандық бәсекеге қабілеттігін арттыруға әрі еліміздің әлемнің озық 30 мемлекетінің қатарына қосылуға ықпал ететініне сенімдімін»,-делінген Елбасы құттықтауында.
Айта кетейік, Астанадағы форумға әлемнің 16 елінен 800-ге тарта делегат қатысуда. Дәстүрлі түрде ұйымдастырылып келе жатқан бұл шара осымен бесінші рет өткізіліп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе