Елбасы 14-мамырда Қытайға барады

Қазақстан президенті Нұрсұлтан Назарбаев 14-15 мамырда Пекинге барады.

Бұл туралы ҚР сыртқы істер министрі Қайрат Әбдірахманов айтты деп хабарлады Қазақстан Жаңалықтары.

ҚР Сыртқы істер министрі Қайрат Әбдірахманов жұма күні ҚХР сыртқы істер министрі Ван И мырзамен келіссөздер жүргізді.

“Екі жақты келіссөздер тақырыбының бірі жоғары деңгейдегі сапарларға дайындық мәселесі болды. ҚР Президенті Нұрсұлтан Назарбаевтың 14-15 мамырдағы Бейжіңде өтетін “Бір белдеу бір жол” халықаралық форумына қатысуы және ҚХР төрағасы Си Цзиньпиннің 7-9 маусымда ШЫҰ саммитіне қатысу үшін Астанаға сапары дайындығына қатысты мәселелер талқыланды”, — деді Әбдірахманов кездесу қорытындылары бойынша баспасөзге өткізілген брифинг барысында.