ЭКСПО-дан соң азық-түлік құны қымбаттауы мүмкін бе?
Ұлттық экономика министрі ЭКСПО көрмесінен кейін барлығы қымбаттайды деген халық уайымына қатысты пікір білдірді. Тимур Сүлейменовтің сөзінше, алдағы айда азық-түлік керісінше арзандауы тиіс. Бұл туралы КТК хабарлайды.
Ал ел арасындағы әңгіме, жекелеген экономистердің негізсіз болжамы көрінеді. Олар көрме алдында да қонақтар келгенде барлығы қымбаттайды деп қара аспанды төндірген дейді Сүлейменов.
“Азық-түлік себетін алсақ, керісінше бағаның төмендегенін байқаймыз. Арзандау әлі бір ай жалғасады. Біздің болжам бойынша дифляция қыркүйекте де жүреді. Сондықтан алаңдауға негіз жоқ. Ауыл шаруашылығы министрлігі, әкімдіктердің баяндамаларынан 19 млн тонна астық барын естідік. Нан бағасы үшін алаңдамасаңыздар болады”, – дейді
ҚР Ұлттық экономика министрі Тимур Сүлейменов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе