Екі депутатқа қатысты қылмыстық іс қозғалды
Қырғызстанның бас прокуроры Индира Жолдубаева парламенттің “Бір бол” фракциясының екі депутаты – Игорь Чудинов пен Ақылбек Жапаровқа және басқа да тұлғаларға қатысты қылмыстық іс қозғады. Бұл туралы Бас прокуратура хабарлады.
Хабарларға қарағанда, қылмыстық істі Мемлекеттік ұлттық қауіпсіздік бюросынан түскен материалдар негізінде қозғаған. 200 млн сом бюджет ссудасын заңсыз бөлу және мақсатсыз жұмсауға қатысты жемқорлық фактісі бойынша қылмыстық іс қозғалған.
Қылмыстық істі тергеу МҰҚБ тергеу басқармасына тапсырылды.
Депутат Ақылбек Жапаров 2009-2010 жылдары бірінші вице-премьер қызметін атқарған. Игорь Чудинов 2007-2009 жылдары Қырғызстан премьер-министрі болып істеген. 2009 жылы 6 қарашада ол Даму қоры бас директоры болып тағайындалды. Қазір парламент депутаты болып отыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе