Джеки Чанның қызы өз-өзіне қол салмақ болыпты
Гонконг басылымдарының хабарлауынша, Джеки Чанның туған қызы, “Мисс Азия” байқауының жеңімпазы, 18 жастағы Этта Нг өз-өзіне қол салмақ болған.
Бірақ ойлағаны жүзеге аспай, қазір ауруханаға жеткізілген, деп жазады Oriental Daily басылымына сілтеме берген Вести.ру.
Этта соңғы кездері ауыр күйзелісте жүрген екен.
Ол былтыр да әлеуметтік желілерде өзіне-өзі қол салу туралы мақалаларды жиі жариялапты.
Қыздың шешесі Элейн Нг 1990 жылы “Мисс Азия” байқауының жеңімпазы атанып, сол жылы Джеки Чанмен танысқан екен. Екеуі бас қосып, 1998 жылға дейін ғана бірге тұрған. Бірақ Джеки Чан 1999 жылы туған қызын өзімнің қызым деп мойындамапты, ал Элейнмен көңіл жарастырғанын қателік деген.
Ал Этта жұлдызды әкесін тек биологиялық әке санап, оған соншалық туыстық сезімі болмаған деседі. Этта шешесімен де күрделі қарым-қатынаста екен.
Айтпақшы, Джеки Чанның 35 жастағы ұлы да бар. Оның шешесі — Джоан Лин есімді тайваньдық актриса. Бірақ 2014 жылы Джейси Чан Пекинде есірткі сақтағаны үшін алты айға түрмеге қамалған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз