Dulığa Aqmolda üzdik akter atandı

–Tolıqmetrajdı kartinalarda somdağan rölderim işindegi bŭl alğaşqı jeñisim, öte quanıştımın. Bŭl tek meniñ ğana tabısım emes, rejisser Säbit Qŭrmanbekovtıñ, operator Mars Umarovtıñ, qoyuşı suretşi, kompozitordıñ, sonımen qatar barlıq tüsiru tobınıñ eñbegi. Olardıñ barlığına alğısımdı bildire otırıp, osı jeñispen qŭttıqtaymın,

– dedi akter Dulığa Aqmolda.

Qazaqstan Respublikası Mädeniet jäne sport ministrliginiñ tapsırısı boyınşa Ş.Aymanov atındağı «Qazaqfilm» kinostudiyası tüsirgen atalmış film osı festivaldiñ negizgi bayqauında 10 tolıqmetrajdı kartinamen baq sınadı. Jalpı festivalge qatısuğa 61 elden 782 film ŭsınıs tastağan.

Ayta ketsek, festivaldiñ «Üzdik film» jüldesin türik rejisseri Mŭstafa Qaranıñ «Kalandra ızğarı» filmi, al «Üzdik rejisser» jüldesin ündi rejisseri Mangeş Djoşi («Djoşi jonuşı» filmi üşin) ielendi. Reseydiñ eki kartinası da jüldeli orındardan körindi – «Amun» filmi «Üzdik stsenariy» jüldesimen marapattalsa, «Sofiçka» filminiñ operatorı Ayrat YAmilov üzdik operator atandı. Al «Üzdik äyel adam röli» jüldesi «Äyel küni» filminiñ üş aktrisasına bŭyırdı.

Atalmış halıqaralıq mŭsılmandar kinosı festivali – 2005 jıldan beri Tatarstanda ötkizilip kele jatqan Reseydiñ iri kinofestivalderdiñ biri. Festival ŭyımdastıruşılarınıñ aytuınşa, bŭl kinoforumnıñ maqsatı – mŭsılman elderdiñ filmderin ülken ekranğa şığarıp, dini ğana emes, adami qŭndılıqtardı da däripteu, ŭltaralıq dialog qalıptastıru.

Esteriñizge sala ketsek, «Oralman» körkem filmi osı jıldıñ basında İrannıñ astanası Tegeranda ötken 35 – Halıqaralıq Fadjr kinofestivalinde Bas jüldeni, sonımen qatar XIII Halıqaralıq «Euraziya» kinofestivalinde Bas jüldesin jeñip alğan bolatın.

«Oralman» körkem filmi 15 qırküyekten bastap elimizde prokatqa şığadı.

Erkin QALDAN, janaliq.kz