Нұр-Сұлтан
Қазір
0
Ертең
5
USD
424
-1.11
EUR
498
-0.80
RUB
5.82
-0.03

Димаштың бүгін Қытайда өткізген концертінің видеосы пайда болды

Мерекелік кеш Қазақстанның ҚХР-дағы төтенше және өкілетті елшісі Шахрат Нұрышевтің, ҚХР Мәдениет министрлігі Халықаралық ынтымақтастық департаментінің директоры Се Цзиньпиннің құттықтау сөзімен ашылды. Кеш бастан-аяқ дирижер Тао Фанның жетекшілік етуіндегі Қытай Ұлттық радио және телевидение сифониялық оркестрі қазақстандық әншілер мен скрипкашыларға музыкалық демеу жасады.

Көптеген халықаралық конкурстардың лауреаты, баритон Азат Мәлік, танымал қазақстандық опера әншісі Майра Мұхамедқызының салған әндері тыңдармандардың көңілінен шықты. Ал Singer-2017 байқауының ақтық сынына дейін жеткен Димаш Құдайбергеннің сахнаға шығуы залдағы барлық көрерменді шаттыққа бөледі. Ол «Adagio» және «Күзгі мұң» әндерін орындады.

https://www.youtube.com/watch?v=Xny2mgyugwY

Қазақстанның халық әртісі Қазақ ұлттық өнер университетінің ректоры Айман Мұсақожаеваның «Айгөлек» скрипкашылар ансамблімен бірге П.Чайковскийдің, Ф.Крейслердің және Павло Сарасатенің туындыларын орындауы кеш қонақтарының зор таңданысын тудырды.

Концерт аяқталғаннан кейін Қазақстанның ҚХР-дағы елшісі Нұрышев әртістерге ризашылығын білдірсе, көрермендер ұзақ уақыт қошемет көрсетіп, музыканттарға гүл шоқтарын сыйға ұсынды.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз