Әнші Димаш Құдайберген Қазақстан Республикасы Тұңғыш президенті қоры сыйлығының лауреаты атанды.
Бұл туралы Димаштың ата-анасы сүйінші сұрап, әлеуметтік желіде қуаныштарымен бөлісті.
“Мәдениет және өнер саласындағы жоғары жетістіктері үшін Димаш Құдайберген Қазақстан Республикасы Тұңғыш президенті – Елбасы қоры сыйлығының лауреаты атанды! Құтты болсын, тілеулес ағайын!” – деп жазады Қанат және Света Айтбаевтар.
Қазақстан Республикасы Тұңғыш президенті қоры лауреаты атағына 2016 жылы 127 адам ұсынылған екен. Байқау комиссиясы оның ішінен тек 18 адамды іріктеп алған. Олардың қатарында Қытайды аузына қаратқан қазақ әншісі Димаш Құдайберген де бар.
Еске сала кетейік, бүгін Астана уақытымен сағат 20.05-те Димаш қатысып жатқан I am a Singer байқауының 7-кезеңі өтеді. Онда Димаш қазақтың халық әні “Дайдидауды” орындайды. Бұған дейін Димаштың бұл кезеңде үздік үштіктің қатарынан табылғанын жазған едік.