Димаш Ниязовтың кіммен жұдырықтасатыны анықталды
АҚШ-та полицей болып жұмыс істейтін Қазақстанның тумасы Димаш Ниязов 28 сәуірде Дэниэл Джейкобс – Мацей Сулецки бокс кешінің шеңберінде рингке шығады, деп хабарлады Vesti.kz.
Ниязовтың (13-0-3, 6 КО) қарсыласы 25 жастағы мексикалық боксшы Анхель Саринана болады, ол кәсіби деңгейде жеті рет жеңіске жетіп, жеті рет жеңілген және екі рет тең түскен. Жекпе-жек жеңіл салмақ дәрежесінде және алты раундпен өтеді. Бокс кеші 28 сәуірде ұлыбританиялық промоутер Эдди Хирннің ұйымдастыруымен болатын шоу шеңберінде Нью-Йоркте өтеді.
Сонымен қатар, андеркартта жартылай орташа самақ дәрежесінде Олимпиада-2016 чемпионы Данияр Елеусінов жұдырықтасуы тиіс.
Бұл кездесу ол үшін кәсіби рингтегі тұңғыш жекпе-жек болады, бірақ қарсыласының кім екені әлі белгісіз. Қазақстандық боксшы наурыздың басында Эдди Хирнмен келісімшарт жасасқан болатын.
Серіктестер жаңалықтары
© «365 Info», 2014–2023 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз