Димаш Құдайберген Қытайдың Weibo арнасына сұхбат берді. Ол Singer жобасы барысында қандай әндердің өзіне қиынға соққанын әңгімеледі. Сондай-ақ, жалқау жастардың қатарына кірмейтінін мәлімдеді.
Бұл туралы Stan.kz хабарлайды.
Димаш қытай тілін меңгергісі келетінін жасырмады. Айтуынша, бұған дейінгі оның шығармашылық кезеңі бұл тілді талап етпесе, енді талап етуде.
Бұдан бөлек, Димаш жоба барысында қатты сырқаттанып қалғанын айтты.
“Адам болғаннан кейін суық тиеді. Тамағым ауырғаны рас. Байқау болатын күні таңертең тұрсам даусым әлі жоқ. Содан кейін бір тәулікте төрт рет екпе жасатуға тура келеді. Ол адамды емдеп жіберетін нәрсе емес, тек дауысты 10 сағатқа қалыпқа келтіретін дәрі болды”, – деп түсіндірді Димаш.
Айта кетейік, бүгін Singer-дің 9-кезеңі эфирден көрсетіледі. Онда Димаш әлемге әйгілі канадалық әнші Селин Дионның “All by myself” әнін орындайды. Есте болса, бұл кезеңде Димаштың екінші орын алғанын хабарлаған болатынбыз. Ал 10-кезең эфирге 25 наурыз күні шығады. Димаш 10-кезеңде 3-орын алып, финалға жолдама алды.