Қазақстандық танымал әнші Димаш Құдайберген әлемдік турнеге аттанып, Қытайда жеке концертін берді.
Әншіні қытайлықтардың қуана қарсы алып, жылы қабылдағаны сонша, концерт залында ине шаншар орын болмаған. Десе де Димашты шығарып салмақ болған фанаттары әншіні таптап кете жаздады, деп хабарлайды Stan.kz.
Димаш Құдайберген Қытайда концертін өткізгеннен кейін, фанаттары әуежайда әншіні шығарып салды. Тыңдармандар қарасының көп болғаны сонша, олар әншіге ұмтылып, таптап кете жаздады.
Бұл туралы Димаштың өзі Instagram желісіндегі парақшасында жазып, тыңдармандарына алғыс айтты.
«Командамызбен Пекинге ұшып бара жатқанымызда лық толы тыңдармандар әуежайда əндерімді айтып, шығарып салды. Маған деген əрдайым көрсетіп жүрген құрметтеріңіз үшін үлкен рахмет! Мен бақыттымын. Ұмытылмас күндеріміз көп болсын», – деп жазды әнші.
Естеріңізге сала кетсек, 16 желтоқсанда Димаш Құдайберген Қытайдың Чанша қаласында үлкен ән кешін өткізіп, Құрманғазының «Адайын» домбырамен тартқан еді.