Нью-Йорктің үздік полицейі, Шымкент тумасы Димаш Ниязов (12-0-3, 5КО) 11 қараша күні америкалық Дэниэл Джейкобс (32-2, 29КО) пен отандасы Луис Ариас (18-0, 9КО) арасында болатын жекпе-жектің андеркартында жұдырықтасады.
Біраз жылдан бері АҚШ-та тұрып, полицей болып жұмыс істейтін Ниязовтың қарсыласы әзірге белгісіз. Жекпе-жек жеңіл салмақта алты раундқа созылады.
“Мен біраздан бері Нью-Йоркте бокстаспадым. Соңғы жекпе-жегім Қазақстанда өтті. Енді алдағы кездесуді асыға күтіп жүрмін. Менің фанаттарым да Нью-Йоркте жекпе-жек өткізуімді күтіп жүр. Джейкобстың андеркартында жұдырықтасатыным үшін қуаныштымын. Мен оны жасөспірім кезімнен білемін. Ол өте ұзақ жолды жүріп өтті және отандасым Головкинге ерекше қарсылық көрсетті”, – дейді Димаш.