Димаш Құдайберген Қытайдағы «I am singer 2017» байқауының ІІІ-кезеңінде Queen атты ағылшынның атақты рок тобының әнін орындайды.
Бұл туралы әнші Instagram-дағы жеке парақшасында жазды.
«Дүниежүзілік 28-ші қысқы Универсиада ойындарында өнер көрсетіп, бүгін Бейжің, әрі қарай Чанша қаласына жолға шықтым! Алда дайындық. Ақпанның 4-ші жұлдызы – келесі байқау күнінде атақты Queen тобының репертуарынан «Show most go on» әнін шырқаймын! Шоу басталды!» – деп жазды ол.
Жалпы, «The Show Must Go On» , яғни «Шоу жалғасуы тиіс» әнінің мәтіні метафор мен астарлы сөзге толы. Ол төніп келе жатқан апат туралы, бірақ оқиға қаһарманының өмірге деген құштарлығы шексіз. Жалпы бұл әннің бейнебаяны жасалар кезде атақты әнші Меркьюридің денсаулығы сыр беріп үлгерген. Сондықтан бұл топтың 1980 және 1991 жылдар аралығындағы видеоларынан үзінді алынып, ол шытырманға толы болады.