Депутаттар ел атауының ағылшыншасын түзеуге қатысты пікір білдірді

“Бұл мәселені әлі де зерттеп, тексеру керек. Біріншіден, халықаралық тәжірибеде, құжаттарда Қазақстан сөзінің қазіргі ағылшынша жазбасы жазылып, баршамен мақұлданып қойған. Оны өзгертсек қалай болады? Әрине, бұл арада лингвистердің пікірін тыңдауымыз шарт. Сыртқы істер министрлігімен кеңесіп, оны Батыс қалай қабылдайды, соны зерттеу керек”, – дейді Мәулен Әшімбаев.

Мәжіліс депутаты Ирина Аронова егер қазақстан сөзінің ағылшасын өзгертетін болсақ, одан үлкен шығынға ұшырамаймыз деп санайды. „Бұл дұрыс нәрсе, қатені түзеу ешқашан кеш емес, Қазақстан онсыз да танымал, одан үлкен нәрсе жоғалтамыз деп ойламаймын„ – дейді ол.

“Мен бұрынғы атауды жақтаймын. Өйткені ағылшынша KZ – бұл біздің бренд. Меніңше, ешнәрсені өзгертіп қажеті жоқ„ – дейді депутат Ольга Шишигина.

“KAZAKHSTAN дегенді ағылшынша дұрыстап жазсақ, ол QAZAQSTAN болуы керек, осылай етсек, біздің еліміздің атауы әлдеқайда анық болады”, – деп жазды бүгін сенатор Қасым-Жомарт Тоқаев Twitter-дегі жеке парақшасында.