Данияр Ақышев: Зейнетақы қорының салымшыларына таңдау еркін береміз
Ұлттық банк төрағасы Данияр Ақышев Бірыңғай жинақтаушы зейнетақы қорының басқарылуындағы кемшіліктерді жоюға уәде берді.
Бұл туралы mail.kz хабарлайды.
Орталық банк төрағасы: «БЖЗҚ-ның жұмысындағы олқылықтарды реттеп, ішкі бақылау мен ақшаны жарату жүйелерін барынша қатаңдатамыз. Бірақ ең маңызды мәселені шешу керек. Неге халық жинақтаушы зейнетақы қорына сенімсіздікпен қарайды?», — деп сұрақ тастады.
«Қазір салымшыларда таңдау жоқ. Зейнетақы жинақтары бірден БЖЗҚ-ға бағытталады, олар не қаржыларын басқаратын ұйымды, не инвестициялық стратегиясын таңдай алмайды. Салымшылардың орнына барлық шешімді мемлекет қабылдап, барлық тәуекелді өз мойнына алады. Міне, сондықтан біз президенттің ұсынысымен зейнетақы активтерін жекеменшік я шетелдік компанияларға табыстау жобасын іске асырғалы жатырмыз», — деді ол.
Ұлттық банк төрағасы сөзін аяқтай келе өзін зейнетақы активтері нарығындағы бәсекелестік және салымшыға таңдау еркін беру идеясын жақтайтындардың қатарында екенін айтты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе