Данэлия Төлешова француздың атақты әншісімен дуэт орындады (видео)

Төлешова танымал әндер бойынша бірінші рет өткен “BraVo” халықаралық кәсіби музыкалық жүлдесінің “Болашаққа көзқарас” аталымында жеңіске жеткен. Марапаттау салтанаты 10-наурызда Кремльде өтті.

Аты аңызға айналған Род Стюарт (Rod Steward), “Грэмми” жүлдесінің бірнеше мәрте иегері атанған Сил (Seal), “Europe” тобы және әнші Zaz гала-концерттің құрметті қонақтары болды. Данэлия жүлдесін Zaz қолынан алды. Ол франциялық әншімен қосылып “Je veux” хитін орындады.

Еске сала кетейік, Данэлия Төлешова украиналық “Голос. Дiти” шоуының жеңімпазы атанған болатын. Ол суперфиналда “Не твоя війна” әнін орындады, залда отырған біраз адам және өз ұстазы Дима MONATIK көзіне жас алды.