Жас әнші Дана Кентай телефон қоңырауын ең бірінші ұлдар соғу керек деп жұртты бір күлдіріп алды. Мұндай тәрбиені Оңтүстіктен үйренгенін айтады.
Бұл туралы ол „Қызық Times„ бағдарламасында айтты.
“Көптен күткен жігітің қоңырау шалған кезде, телефоның сөніп қалатын кездер болады. Мұндай жағдай қыздардың басында көп болатын сияқты. Өйткені, қыз бала болған соң, ол адамға бірінші телефон шала алмайсың. Қайтіп қоңырау шалса екен деп күтіп жүресің. Біздің Түркістанда қыздар бірінші қоңырау соқпаулары керек деп үйретеді”, – дейді Дана Кентай.
“Дұрыс айтасыз! Біздің батыста да дәл солай”, “Жерлес болсақ та, мұндайды бұрын естімеген екенмін”, “Меніңше, мұндай тәрбиені кез келген отбасы береді”, “Оңтүстіктің тәрбиесі дәл осындай қатал”, “Иә, бірінші қадамды қыз бала емес, ұл бала жасауы керек қой. Жарайсыз, Дана,” – деп жазады әншінің оқырмандары.