“Дайдидау”. Димаш орындайтын әнде қазақ зиялысының аянышты тағдыры бар (видео)
«Дайдидау» – Димаштың оң жамбасына келетін сүйікті әні. Сүйікті әні дейтініміз – Димаш бұл әнді «Славян базары» халықаралық беделді ән байқауында тамаша деңгейде орындап Гран-Приге қол жеткізген болатын.
Бұл туралы Әдебиет порталы жазады.
Айта кетелік, Димаш Құдайберген “Singer-2017” байқауының кезекті турында Қазақ Ұлттық өнер университетінің халық аспаптар ансамблімен бірге халық әні “Дайдидауды” орындайды.
“Димаш Құдайберген Қытайдағы I am a singer жарысында халық әні “Дайдидауды” Қазақ Ұлттық өнер университетінің халық аспаптар ансамблімінің сүйемелдеуімен орындайды. ҚР Мәдениет және спорт министрлігінің қолдауы арқылы ансамбль Қытай еліне жетіп, дайындықтарын пысықтауда. Димаштың курстастары Қытайға қуана-қуана аттанды және бұл керемет ән орындау болғалы тұр. Балалар сахнаға арнайы осы кешке арнап тігілген ұлттық киім киіп шығады”, – деді министр Арыстанбек Мұхамедиұлы.
Біріншісі – «Дайдидау» ежелден бері келе жатқан халық әні. Халықтық болғанда да Арқа мектебіне тән ән екені бір ауыздан мойындалған. Екінші жауап – бұл ән – төл туынды. Төл туынды болған да қазақтың әйгілі ақыны, Алаш қайраткері Мағжан Жұмабаевтың төл туындысы. Иә, Мағжан Жұмабаевтың ақындық, педагогтік, ғалымдық тағы басқа қырларына қоса, ән шығарғандығы жөніндегі мәліметтердің бар екендігін білеміз.
Біз бұл әнді Мағжанның 20-жылдардың соңындағы айдауда жүрген шағында шығарған туындысы деп білеміз. Мұндағы асыл жарына деген сағыныш ақынның «абақтыда айдан күннен жаңылатын» шерлі күндермен сабақтасып жатпаса не қылсын. Бірінші шумақ Мағжанның өміріне қатысты болғанымен екінші шумақтағы «қайтейін уәдеңнің жалғанына» дегені келіңкіремейтіні рас. Мұны кейінгі «түзетушілердің» қолымен алыстатылған жұмыстың нәтижесі деуге болады.
30-50 жылдары ұлттың генфондына қоса, қазақтың мәдениеті мен әдебиетіне де орны толмас зардапқа ұшырап, көптеген деректер бұрмаланғаны белгілі.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе