Футболдан УЕФА Чемпиондар лигасының осы маусымдағы жеңімпазы анықталды, деп жазды prosports.kz.
Киев төрінде ағылшынның “Ливерпулі” мен испанның “Реал Мадриді” жолыққан. Мадридтік команда қатарынан үшінші маусым кәрі құрлықтың басты додасында финалға шығып тұрса, “Ливерпуль” үшін бұл соңғы 11 жылдағы алғашқы осындай жетістік.
Бірінші таймда командалар сақ ойнап, ашыла қойған жоқ. Сондықтан, үзіліске дейін қауіпті шабуылдар аз болды. Бірақ бірінші таймның басты оқиғасы деп “Ливерпульдің” жетекші ойыншысы Мохамед Салахтың күтпеген жерден жарақат алуын айтуға болатын шығар. Көп ұзамай “Реал” да бір ойыншысынан айырылды. Дани Карвахаль жарақат алып, ойынды ерте аяқтады. Қос футболшы да алаңнан жылап кетті.
“Реал Мадрид” – “Ливерпуль” 3:1 (0:0)
Голдар: 1:0 – Бензема 51, 1:1 – Мане 55, 2:1 – Бэйл 64, 3:1 – Бэйл 83