Қазақстанда әйелдер зорлық-зомбылыққа жиі ұшырайды және жұмыста кемсітушілікке тап болады, делінген БҰҰ-ның Қазақстандағы өкілі және тұрақты үйлестірушісі Норимаса Шимомураның жолдауында.
“Біз Қазақстан үкіметін, азаматтық қоғамды және жеке секторды әйелдердің жетістіктерін қолдауға, әйелдердің құқығына қатысты мәселелерге көңіл бөліп, жұмыста гендерлік теңдікті сақтауға шақырамыз”, – делінген БҰҰ үндеуінде.
БҰҰ ақпаратына қарағанда, Қазақстанда әйелдердің дені жұмыссыз отыр. Денсаулық сақтау, білім беру және әлеуметтік қызмет көрсету салаларында жалдамалы жұмыстың 70 пайызын әйелдер атқарады.