Бүгін еліміздің басым бөлігінде қар жауып бұрқасын болады
Сейсенбі күні республиканың басым бөлігінде атмосфералық ағымдардың өтуіне байланысты қар жауып, тұман түсіп, бұрқасындатып, жел күшейеді,-деп хабарлады «Қазгидрометке» сілтеме жасаған Қазақпарат.
Ақмола облысының кей жерлерінде бұрқасын болып, тұман түседі желдің күші секундына15-20 метрге жетеді.
Жамбыл облысында кей жерлерде тұман түсіп, түнде желдің күші 15-20 метр/секунд болады. Оңтүстік Қазақстан, Қызылорда, Маңғыстау, Қарағанды, Атырау облыстарының бірқатар аймақтарында тұман түсіп, Атырау облысының кей жерлерінде көктайғақ болады.
Ақтөбе облысында түнде кей жерлерде жел күшейіп, жылдамдығы секундына 18 метрге жетеді. Қостанай облысында бұрқасын болып, түнде облыстың басым бөлігінде, күндіз кей жерлерде 15-20 метр-секунд жылдамдықпен жел соғады.
Солтүстік Қазақстан облысында желдің күші 15-20 метр/секундке жетеді. Батыс Қазақстан облысында бұрқасын болады.
Шығыс Қазақстан облысының басым бөлігінде тұман түсіп, күндіз жел 15-20 метр/секунд жылдамдықпен соғады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе