Бүгін елімізде күн ашық болады
3-мамырда республиканың барлық өңірлерінде жауын-шашын болмайды, деп хабарлайды «Қазгидрометке» сілтеме жасаған ҚазАқпарат.
Кей жерлерге тұман түсіп, жел күшейіп, арты шаңды дауылға ұласуы мүмкін. Оңтүстік Қазақстан, күндіз Жамбыл облыстарында жел күшеюі мүмкін. Кей жерлерді оның екпіні секундына 15-20 метрге жетеді және шаңды дауыл тұрады.
Солтүстік Қазақстан облысында күндіз желдің күші секундына 15-20 метрге жетуі мүмкін. Таң ата және түнде тұман болады.
Қарағанды, Шығыс Қазақстан облыстарында түнде және таң ата тұман түседі деп күтілуде. Алматы облысының Жалаңашкөл аумағында желдің күші секундына 17-22 метрге жетеді.
Астанада күн алабұлтты, жауын-шашын болмайды. Оңтүстік батыстан секундына 0-5 метр жылдамдықпен жел соғады. Ауа температурасы түнде +5+7°С, күндіз +20+22°С.
Алматыда күн алабұлтты жауын болмайды. Жел секундына 0-5 метр жылдамдықпен соғады. Түнде ауа температурасы +4+6°С, күндіз +15+17°С.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе