Бүгін Бейжіңде Димаш пен Айман Мұсаходжаеваның концерті өтеді

Концерт «Beijing Concert Hall» сахнасында өтеді. Басталуы Бейжіңнің жергілікті уақыты бойынша сағат 19-30-ға жоспарланып отыр. Концертке сонымен қатар қазақстандық опера әншісі Майра Мұхамедқызы, баритон Азат Мәлік, «Шат» фольклорлық ансамблі, Қазақстанның скрипкашылар ансамблі, қытайлық дирижер Тао Фан, Қытайдың ұлттық телевизия және радиосының симфониялық оркестрі мен өзге де әртістер қатысады.

Еске салсақ, кеше қазақстандық әнші Димаш Құдайбергенов «Singer 2017» байқауының финалында екінші орын алды. Финалда Димаш пен қытайлық әнші Шан Вэньцзе Майкл Джексонның The Way You Make Me Feel, Erth song, Billie Jean және Dangerous әндерін орындады.