Өткен аптаның соңында танымал ресейлік модель, актриса әрі теле-радио жүргізуші Виктория Боня түріктің БАҚ құралдарын бір шулатты. Журналистер қауымы ресейлік актрисаның Бурак Озчивиттің парақшасына қалдырған жылы лебізін қызу талқыға салған еді.
Виктория Боня Бурак Озчивиттің селфиіне “лайк” басып, “өте сәнді” деп пікір қалдырған. Бір қарағанда, әлем танитын актер үшін бұл күнделікті жағдай деп ойлауыңыз мүмкін. Алайда Боняның пікірі Фахрие Эвджен жанкүйерлерінің назарына ілікті. Себебі ресейлік модель бұған дейін де Бурак пен Фахриенің ренжісіп қалуына себеп болған. Әрі Түркияның ең танымал жұбы дәл үйлену тойының алдында жанжалдасып қалғандықтан, бұл оқиға көпшіліктің есінде қалды.
Айта кетейік, бұған дейін Бурак Озчивит ирандық модель Махлагха Джабериді де бұғаттап тастаған еді. Ол кезде де актердің мұндай қылық көрсетуіне жары Фахриенің қызғанышы себеп болған.
Ақпарат көзі: stan.kz