Табиғаттың тылсым құбылысын бразилиялықтар суретке, видеоға түсіріп, желіге салып та жіберіпті.
Бразилияның Санта-Катарина штатында төбедегі күнді айнала қос шеңбер пайда болды. Оны ғылым тілімен оптикалық гало деп атайды, – деп хабарлайды Globo-ға сілтеме жасап, РИА Новости.
https://kaz.365info.kz/ne-bop-ketti-zhelide-tabigattyn-tylsym-khybylysy-tysirilgen-video-tarap-zhatyr-283319
Таң қалған бразилиялықтар оны суретке, видеоға түсіріп, желіге салған.
Кейбірі мұны жақсылыққа жорыса, тағы бірі, керісінше жамандыққа жорып, шошыған.
Бағзы заманда мұндай табиғи құбылыс адамдар арасында үрей мен қорқыныш туғызған. Ғылым терең зерттелмегендіктен, адамдар оны жамандық шақыратын Құдайдың белгісі деп қабылдаған. Тіпті, ол саяси шешімдердің қабылдануына да түрткі болған. Мәселен, 1551 жылы Магдебургті жаулауға аттанбақ болған Карл V-ші патша аспандағы осындай құбылысты көріп, райынан қайтқан.
https://kaz.365info.kz/o-t-stikte-tabi-aty-tamasha-zherge-arab-shejhy-kottedzh-salyp-zgelerdi-kirgizbej-oj-an-video-225995
Шындығында, күннің айналасындағы шеңбер күн кемпірқосағы деп те аталатын табиғи құбылыс. Күн суық боп, ауада көп мұз кристиалдары болғандықтан әрі ылғал тым жоғарылағанда күн сәулесі оларға шағылысып осындай түрлі-түсті шеңбер пайда болады. Ғалымдардың айтуынша, оның ешқандай қаупі жоқ.