«Латынға көшсек те, орысшадан бас тартпаймыз» – Назарбаев

18 тамыз 2017, 10:00

Сондай-ақ Елбасы отандық туризмді дамытудың перспективалары мен өңірлердегі мәдени-туристік кластердің қалыптасуы және латын әліпбиіне көшу туралы ойын айтты деп хабарлады „Хабар-24„.

Нұрсұлтан Назарбаев, Қазақстан Республикасының Президенті:

– Латын әрпіне көшкенде, біз орыс тілінен қашып кетейін деп жатқан жоқпыз. Алып-қашпа сөзбен осыны кейбір саясаткерлер айтады. Әсіресе, орыс тілінде. Әліпби – қазақтың тіліне байланысты мәселе. Ғылым менен техниканың көзі орыс тіліне көп аударылған. Барлығынан ажырап қалсақ, біз байымаймыз, кедейленеміз.

Бұл – үлкен мәселе. Үлкен жұмыс атқарылып жатыр. Жақында бір-екі мәтінін қарайтын боламын. Осыған шұғылданып жүрген ғалымдарды, тілмаштарды – барлығын жинап, солармен отырып, бір жобаға тоқтайтын боламыз.

Бұдан бөлек, Президент халықаралық ЕХРО-2017 мамандандырылған көрмесін өткізудің маңыздылығына тоқталып, оның жұмысы аяқталғаннан кейін кешен нысандарын пайдалану жоспары туралы ойымен бөлісті.