2018 жылы Өнімді жұмыспен қамту мен жаппай кәсіпкерлікті дамыту мемлекеттік бағдарламасы аясында 300 мың жұмыссыз азаматты тұрақты жұмысқа орналастыру көзделіп отыр
Бұл туралы Еңбек және халықты әлеуметтік қорғау министрі Мәдина Әбілқасымова мәлім етті, деп хабарлайды Baq.kz .
Осы орайда Мәдина Әбілқасымова биыл аталған бағдарлама аясында қанша азаматты жұмысқа орналастыру көзделіп отырғанын жеткізді.
«Бағдарламаның жаңартылған құралдары биыл 571 мың адамды жұмыспен қамтуға мүмкіндік береді. Оның ішінде жұмыссыз және өзін-өзі жұмыспен қамтыған 300 мың адам тұрақты жұмысқа орналасады. Негізгі басымдық кәсіпкерлік бастамаларды ынталандыруға және жұмыссыз жүргендерді, өзін-өзі жұмыспен қамтығандарды көбірек тартуға берілмек. Осылайша, 2018 жылы 7,5 мың тұрғынға шағын несие алып, 3 мың әлеуметтік осал топ өкілдері «Атамекен» ҰКП бірлескен «Бастау-Бизнес» жобасы бойынша кәсіпкерлік негіздерін үйренеді деп болжап отырмыз», – деп түйіндеді сөзін министр.