Бішімбаев алған парасының бір бөлігіне Қосшыдан котедж салып алған – Ұлттық бюро
ҚР Ұлттық экономика экс-министрі Қуандық Бишімбаевтың ісіне қатысты жаңа мән-жайлар белгілі болды.
Бұл туралы Тengrinews.kz хабаррлады.
“Қуандық Бішімбаевқа сегіз рет пара алды және 1,2 миллиард теңгеге қаражат жымқырды деген айып тағылып отыр. 346 миллион теңге көлеміндегі соманың жеті парасы “Нұрлы жол” мемлекеттік бағдарламасының аясындағы жалдамалы баспана құрылысына бөлінген қаражат. Бішімбаев Қосшы ауылында үй салған. Үйдің ауданы 500 шаршы метр, бағасы 400-500 мың доллар. Бұл оның алып жатқан парасының бөлігі”, – деді Ұлттық бюроның тергеу департаменті жетекшісінің орынбасары Олеся Кексель.
Еске салайық, ҚР Сыбайлас жемқорлыққа қарсы іс-қимыл ұлттық бюросының өкілдері ҚР Ұлттық экономика министрлігін басқарған Қуандық Бішімбаевтың ұсталғанын хабарлаған болатын.
“Бішімбаев топ болып, алдын ала келісім жасау арқылы аса ірі көлемде бірнеше рет пара алып отырған. Заңсыз алған қаражатты Бішімбаев өз қажетіне жаратқан”, – деп хабарлаған еді Антикоррупция қызметінің өкілдері. Бішімбаев Астана қалалық ІІД-нің уақытша тергеу ұстау изоляторында 8 айға жуық қамауда болды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе