Долларды теңгеге шаққандағы бағамын Ұлттық банк 11-сәуір үшін 325,88 теңге деп белгілеген болатын. Алайда ақша айырбас орындарында бүгін америкалық валюта 330-335 теңге аралығында саудалануда.
Бүгінгі қор биржасындағы таңертеңгі сауда-саттық қорытындысы бойынша, доллардың құны 330 теңге деп бағаланды. Соған қарағанда ертеңгі ресми бағам осы төңіректе болып қалатын секілді.
Ал ақша айырбас орындарында 1 АҚШ долларын сатып алу құны 330-331 теңге болса, сату бағасы 332-335 теңге аралығында белгіленуде.
Айта кетелік, елімізде АҚШ доллары осы дүйсенбіде күш алып, 320 теңгеден 325 теңгеге көтерілген еді. Оның себебін ресми органдар Ресей рублінің құнсыздануымен байланыстырды. Әрі бұл девальвация емес екенін ескертті. Алайда соған қарамасатан теңге құнсыздануын тоқтатпауда. Бүгін ол бірден 5 теңгеге тағы құнсызданды.
https://kaz.365info.kz/dollar-tagy-khymbattajdy-zhana-sanktsiya-putinnin-zhanyn-shygaryp-zhatyr-310269