Мен оқу бітірген соң Астанада қалдым. Екі досым бар еді, солардың көмегімен жұмысқа орналасып алдым.
Олардың біреуі отбасылы, бір қызы бар, екінші досым бір қызбен кездесіп жүр, үйленбекші.
Сүрбойдақ болып жүрген мен ғана. Мерекелердің бірінде достарым Астанада қал деп қолқалаған соң, ауылға қайтпадым.
Кафелетіп болған соң үш бөлмелі пәтер жалдадық.
Жұп-жұбымызбен бір-бір бөлмеден иеленіп алдық.
Менің жанымдағы қыздың жасы менен бірер жас үлкен екен. Дегенмен аздап ұрттаған шараптың әсерінен бе, Әсел өзін еркін ұстай бастады. Шалбарымның белдігіне жармасып, ирелеңдеп билей бастады. Еркек емеспін бе, нәпсімді тыя алмай, дереу іске кірістім.
Жуынып болған соң Әселмен біраз сөйлескім келді. Екеуіміз отырып, тағы да шарап іштік. Оның күйеуі бар екен. Тұрмысқа шыққанына 7 жыл болыпты. Және де соңғы бір айда күйеуі өзгеріп жүргенін айтты. Кей күндері тіпті үйге қонбайтын болыпты. Ұрыс шығарып, кетемін деп те айтыпты. Бірақ, әсер етер емес екен. Бүгін де жігіттермен моншаға барамыз деп кетіп қалыпты. Оған болады, маған неге болмайды екен дейді. “Балаларымды ауылдан келіп жатқан енеме қалдырып, мен де құрбыларыммен көңіл көтеруге шыққанмын”, дейді.
Жылап отыр. Шараптың буы тарқаған тәрізді. Не дерімді білмедім. Шынымды айтсам, екі ойлы болып қалдым. Алдымда сыңсып отырған мына отбасылы келіншекке деген жек көрініш сезімі пайда болды.
Байы бір жақта, қатыны бір жақта, бір-бірін түсінуден қалған ерлі-зайыптылар.
Заман не болып бара жатыр? Еркектің жүргені мейлі, ал əйел адамның күйеуі бола тұра басқа еркекпен жүргені тіпті жиіркенішті!
Ақ төсектеріңді былғап, күнə жасап, не істеп жүр мына әйел?! Бір қария айтушы еді, «еркек жүрісін қанша жерден қой десең де қой алмайды, ал оған ерегесіп жүрген əйел — нағыз ақымақ!» деп.
Қайран, қазағымның қарақөз қыздары-ай, қайда кетіп барамыз?
https://kaz.365info.kz/k-jeuimni-k-zine-sh-p-salamyn-246658
Аяжан Төрехан
Мақала ВК-дағы “Атамның басы-ай” тобында талқыланып жатыр.