“Бетпақ болсаң-осы!”. Қостанайда жігітімен ұрсысқан қыз өле жаздады
Қостанайда жас қыз аязда үсіп өле жаздады, деп хабарлады облыстық ішкі істер департаменті.
19 қаңтар күні түзеу мекемесінің қызметкерлері әуежай ғимаратынан үш шақырым жерден қимылсыз жатқан қала тұрғынын тауып алды.
“Жедел бөлімнің бастығы, әділет майоры Ілияс Боқаев қардағы ізді көріп, сол ізбен жүріп отырған. Үш шақырым жерден ол қарда жатқан қызды көреді. Зардап шеккен қыз қимылсыз күйде болған, қатты тоңғандықтан сөйлей алмаған”, — деп жазылған хабарламада.
Департаменттегілер жұма күні сынап бағанасы 28 градус аязды көрсеткенін атап өтті.
“Алдымен әділет майоры Ілияс Боқаев пен әділет капитаны Асхат Баламбаев қызды өнеркәсіптік аймаққа қарай жаяу іздеп шықты. Содан кейін әділет капитаны Нұрсұлтан Жұмашев пен әділет аға лейтенанты Диас Нұрахметов көлікпен көмекке келген”, — деп нақтылады ІІД.
Ұрсысып қалған қыз бен жігітке медициналық және психологиялық көмек көрсетілді. Бір кесе ыстық шай ішкеннен кейін жігіт қыздан кешірім сұрады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе