Бес күнде 70-тен аса балаға тегін пластикалық ота жасалды
Отандық және америкалық дәрігерлер 70-тен астам қазақстандық балаға тегін пластикалық ота жасады.
Бет-жақ тұсындағы туабітті кемістікті, қоянерін, күйіктен кейінгі тыртығы бар балаларға жасалған операция бес күнге жалғасты деп хабарлады „Хабар-24„ телеарнасы.
«Болашағымыз балалар» атты әлеуметтік жоба аясында жасалған игі шараны «Асыл бала» республикалық қауымдастығы мен АҚШ-тың халықаралық көмек тобы бірлесіп жүргізді.
Пластикалық хирург Джек Демостың айтуынша, қазір балалардың денсаулығы жақсы.
– Біз осы бес күннің ішінде 70-тен астам балаға бақыт сыйладық деп айта аламын. Пластикалық операцияны жасау барысында қазақстандық дәрігерлердің көмегі көп болды. Жергілікті хирургтердің кәсібилігін жоғары бағалаймын. Операция жасаған балалардың кейбірі ертең үйлеріне шығады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе