Астана киелі округінің өкілі Дмитрий Байдек Қазақстан халқын алдымызда келе жатқан Астана күні мерекесімен құттықтай отырып, биыл күзде Әлемдік және дәстүрлі діндер жетекшілері Астананың рухани саммитінде алтыншы рет кездесетінін мәлімдеді.
Ал «Нұр Астана» орталық мешітінің бас имамы Асқар Мұқанов өз сөзінде
«Қазақстандағы бейбітшілік пен келісімді қамтамасыз ету тәжірибесі, сондай-ақ еліміздің және оның Президентінің халықаралық беделі Астанада мәдениеттер мен әлемдік діндер диалогын ұйымдастыруға мүмкіндік берді. Астана – бейбітшілік пен келісімнің тоғысқан жері және бейбіт келіссөздер мен әлемдік діндер диалогы алаңы»
екенін айтты.
Діни бірлестік өкілдері Қазақстан халқын Астана күнімен құттықтап, ыстық ықыластарын білдірді.
«Бәрімізді ортақ үйіміз – Қазақстанға деген ортақ сүйіспеншілік, мемлекетіміздің және оның азаматтарының бүгіні мен кемел келешегіне деген сенім біріктіреді. Астана қаласының 20 жылдығын мерекелеу қарсаңында, біз – Қазақстан Республикасының діни бірлестіктерінің өкілдері, көпұлтты және көпконфессиялы мемлекетіміздің халқына ел-жұртымыз аман, деніміз сау, бақытымыз баянды болсын деген ізгі тілектерімізді ықыласпен жолдаймыз!» делінген құттықтауда.