Ұзын етек көйлек, кең камзол киген Татьяна Бурмистрова еліміздің батыс өңіріне барған сапарында сахнаға көтеріліп, микрофонға жақындап: „Қазақтың қыз-келіншектерін қызғандырып, көздерін қызықтырайын деп әдейі осылай киініп келдім„ деді.
Сөйтіп, ол қазақ әйелінің ұлттық киімі, ұлттық тәрибедегі рөлі, дастархан жаюы – барлығы тұнып тұрған идеология екенін айтып, бүгінгі ұлттық дәстүрден ажыраған қазақтың қыз-келіншектерін сынға алып, бұл ретте ағылшынның ұлы ойшылы Уильям Черчильдің сөзін келтірді:
„Әйел деген ұлттың дәм-тұзы, ұлтты жоямын десең әйелін бұз„ деп еді Черчиль. Ана тілінің ана деген атауында да тереңдік бар. Сондықтан елдің бүтіндігі мен жарқын болашағы үшін біз – әйел қауымы мықты болуымыз керек, тілімізге де, ұлттық болмысымызға да.
Балаға тәрбие беретін ана. Ал шеше ана тілінде сөйлемесе, қалғанының бәрі бекер. Ана тілін білмеген бала тек 40-50 жасқа толғанда, яғни ақыл тоқтатқанда қатты өкінеді.
Әкем орыс, шешем орыс, мектепті де, медициналық институтты да орыс тілінде тәмамдадым. Маған қазақ тілін үйренуге уақыт та болмаған. Бірақ үйрендім. Бұл ниетке байланысты. Жаратқан адамның ықыласына қарайды екен.
Маған ұқсағыларыңыз келсе қыз-келіншектер нағыз қазақ болуға тырысыңыздаршы.
Айтып келе жатырмыз, айтып келе жатырмыз, әбден жауыр болды..”
Бұл видеоны Фейсбук желісіне Еділ Макен деген азамат жүктегенін баса айта кетелік.