Танымал қазақстандық продюсер Баян Мақсатқызы конкурс атымен бірдей аталатын «Қазақ аруы» жаңа сериалының түсірілімінің қалай жүріп жатқаны туралы видео жариялады.
Баян Есентаева қазан айында ұлттық нақыштағы сән конкурсының қалай өтетінін көпшілікке ұсынатынын жариялады. Мұнда басты кейіпкердің рөлін 16 жасар Гүлзада Тұрлаш сомдайды. Фильм продюсері басты рөлге конкурстың бұрынғы жеңімпаздарын шақырмағанын айтты.
Айта кетейік, «Қазақ аруы» конкурсы жыл сайын наурыз айында өткізіледі. Биылғы жылы осымен алтыншы рет болып өтті. Жобаның шарты бойынша, қыздар қазақ тілін еркін меңгеріп, әдебиет, тарих, қазақ халқының салт-дәстүрі мен әдет-ғұрпынан хабардар болулары тиіс. Интеллектуалдық қабілеттерімен қатар, қыздардың сыртқы бет-бейнесіне қатаң мән беріледі.
Еске сала кетейік, түрлі жылдары «Қазақ аруы» титулын Гүлназ Жоланова, Кәмшат Қоскелова, Айгерім Қанатбаева, Айғаным Өтепбергенова, Альмира Ахатова жеңіп алған.