Бас прокуратура: 300-ге жуық шенеунік мүгедектігі бар адамдардың құқығын бұзған
Биыл 5 айда прокурорлар мүгедектігі бар адамдардың құқықтарын қорғаусаласында 89 тексеру мен талдау жүргізді. Нәтижесінде 527 заң бұзушылықтар анықталды, 68 ұсыныс қаралып, 4 наразылық қанағаттандырылды.
Бас прокуратураның баспасөз қызметінің хабарлауынша, мүгедектігі бар 7 мыңнан астам адамның құқықтары қорғалды. Жол берілген бұзушылықтар үшін 284 лауазымды тұлға тәртіптік жауапкершілікке тартылды, 65-і әкімшілік жауапкершілікке тартылды. Мысалы, жыл басынан бері Маңғыстау облысы прокуратурасының бастамасымен Ақтау қаласының аумағында «Кедергісіз қала» пилоттық жобасы іске қосылды және ай сайын халықтың аз қозғалатын топтары үшін қолжетімділігі қиын инфрақұрылым объектілерін анықтау бойынша көшпелі іс-шаралар өткізіледі.
«Тағы бір мысал, Бас прокуратураға 2-ші топтағы мүгедек әйел пәтермен жасалған мәміленің жарамсыздығы туралы сот актілеріне наразылық білдіру туралы өтінішхатпен жүгінген. Қант диабетімен ауырған ол бірнеше рет ота жасап, оның барысында аяқ-қолдары кесілген. 2022 жылдың мамыр айында ол ерлі-зайыптылардан 9 миллион теңгеге пәтер сатып алды. Кейіннен бұрынғы иелердің отбасылық келіспеушіліктері мен өзара мүліктік талаптары болды. Нәтижесінде олар сатып алушыға сатып алу-сату шартының жарамсыздығы туралы талап қойды. Өтініш беруші пәтерді сатып алған кезде үшінші тұлғалар тарапынан мүлікке талап-арыздар бар екенін білмегенін, алайда Маңғыстау облысының соттары сатушының талаптарын қанағаттандырғанын атап өтті. Нәтижесінде, отбасылық жанжалдың кепіліне айналған әйел пәтерден де, оған берілген ақшадан да айырылды», – делінген Бас прокуратураның хабарламасында.
Өтініш берушінің құқықтық қорғаудың барлық мүмкіндіктері таусылғанын ескере отырып, Бас Прокурор оның мүддесіне наразылық білдірді, оны Жоғарғы сот қанағаттандырды.
Сатушы мен сатып алушы арасында жасалған пәтерді сатып алу-сату шартын жарамсыз деп танудан бас тартылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе