“Бәрінің шиттей баласы бар”. Қарағандыда қайтыс болған кеншілердің аты-жөні белгілі болды
«Қазақстан» шахтасында апаттық-құтқару жұмыстары жүргізіліп жатыр.
Бұл туралы ҚР Инвестициялар және даму министрлігінің баспасөз қызметі хабарлады.
31 тамыз күні таңғы 4 сағат 21 минутта Қарағанды облысы Шахтинск қаласындағы «Арселор Миттал Теміртау» АҚ компаниясына тиесілі «Қазақстан» шахтасындағы қазба кеншарында кенеттен көмір құлап, газ тараған. Апат кезінде шахтада 136 адам болған, оның үшеуі опырылған көмір астында қалған. Таңғы 5 жарымда шахта жұмысшылары үш адамның өлі денесін тапты. Таңғы сағат 7-де қаза тапқандардың денесін жоғарыға шығарып, эвакуациялау басталды. 7 сағат 05 минутта шахтаның барлық жұмысшылары – 130 адам жердің бетіне шығарылды. Тек үш жұмысшы апаттық-құтқару жұмыстарын жүргізді.
1. Ахметжанов Рустам Ренатұлы, 23.03.1983ж., үйленген, 3 баласы бар.
2. Руденко Валерий Валентинович, 18.05.1980 ж., үйленген, 2 баласы бар.
3. Шебанов Максим Сергеевич, 24.05.1986 ж., үйленген, 1 баласы бар.
Бұл жұмыстарға Қазақстан Республикасы Инвестициялар және даму министрлігі Индустриалдық даму және өнеркәсіп қауіпсіздігі комитетінің «Кәсіби әскерилендірілген апаттық құтқару қызметі» РМК Қарағанды мен Шахтинскідегі 7 бөлімшесінің 60 адамы мен 9 техникасы тартылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе