“Бәрі жабылды”. Алматыда мұғалім оқушысын соққыға жыққан
Алматыдағы номері 146-ы мектептің әлеуметтік педагогі мектеп оқушысын сабап тастады. Бұл туралы оқушының ата-анасы айтып шағымданды.
Оқиға 29 қыркүйек күні болды, деп хабарлайды 31 арна.
Әлеуметтік педагогтің ұлы мен Евгенияның ұлы желіде хат арқылы дауласып қалады. Бұдан хабардар болған мектеп басшылығы Евгениянң ұлы Арнұрды сөйлесу үшін шақырады. Онымен директордың тәрбие ісі жөніндегі орынбасары сөйлеседі. Кейін оқушы сыныбына қайтып келе жатқанда оны педагогтің күйеуі мен өзі, ұлы күтіп алып соққыға жығады. Бұл Арнұрдың анасының айтуы. Енді ата-ана педагогтің жұмысынан кетуін талап етуде.
“Балама көмек көрсеткен жоқ. Біз полицияға хабарласамыз дегенде, мектептен шығармай қойды”, – дейді Евгения Қожалымова.
Анасының айтуынша, мектептегілер Арнұрдың өзін нашар сезініп тұрғанына сенбей, әдейі солай жасап тұр деген.
“Жабық бас миының жарақаты, бас миының соғылуы. Бетінде мойын аймағында кішкентай жаралар бар”, – дейді дәрігер Дінмұхамед Рузуддинов.
Мектеп басшылығы оқиғаның қалай болғанын құзырлы органдар анықтайды деген пікір айтты. Ал, әлеуметтік педагог Шынар Ілиясқызы сұхбат беруден үзілді-кесілді бас тартты.
“Сенбі күні мұндай жайсыз жағдайдың болғаны рас. Мұнымен қазір құқық қорғау орындарын айналысып жатыр. Енді мектеп тарапынан біз де арнайы әділ шешім қабылдаймыз”, – дейді директордың тәрбие ісі жөніндегі орынбасары Жанат Сатова.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе