Кеше бір орыс әйел айтады “баламды қазақ балабақшасына беріп, кішкентайынан қазақ тіліне үйреткенде 15 миллион теңге үнемдеуші едім” деп.
Баласының мықты математик екенін 5-ші сыныпта байқап, НИШ -қа тапсыру үшін бір жыл қазақ тілін қанша мұғалім жалдаса да еш үйрете алмағанын, тіпті тек қазақша сөйлесетін ортаны немесе оқушылар лагерін де іздеп таппағанын айтты. Содан НИШ-қа тапсырып, қазақ тілінен өте аз балл жинағандықтан грантқа түсе алмай қалыпты.
“Енді баламның болашағы үшін NURORDA мектебіне ақылы негізде, жылына 3 миллион теңге төлеп оқытып жатырмыз.
Бұл 5 жылда 15000000 теңге. Бүкіл сабақтан өте жақсы, тек қазақ тілінен ғана нашармыз. Мен осы өкінішімнен кейін біраз туыстарым мен достарымның балаларын қазақша балабақшаға бергіздім” деп отыр.
Мына фотодағы 8- ші сынып оқушысы Михаил , “Алпамыс батыр” жырының 50 бетін жатқа оқиды екен.