“Балаға беретіні – ескі-құсқы”. Денсаулық министріне Көкшетау тұрғыны видео жолдау жолдады
Баласы дүниеге келіп, қуанышы қойнына сыймаған көкшетаулық емханадан ана мен балаға арналған дәрі қобдишасын алғанда қатты таң қалған.
Ол біздің министр мұндай масқара жайттан хабарсыз шығар деген ойда болып, қолына түскен тегін дәрі қобдишаны оған жөнелтіп, бір көрсетіп алуды жөн көріпті.
“Такой подачки от государство мне не нужно” деп ашынады Көкшетау тұрғыны Арман Тастамбеков ҚР Денсаулық сақтау министрі Елжан Біртановқа жолдаған видео үндеуде. Әрине, ұлттық сауықтыру керек деген ол бұл істі шенілдердің өзінен бастаса қайтеді дейді.
– Міне, бізде бала туғанда берілетін мемлекеттің тегін дәрі қобдишасының түрі. Бізде бала мен анаға қамқорлықтың түрі осы. Мен мұны Көкшетау қаласындағы №1 емханадан алдым. Бірден айтайын, мұның ішіндегі дүниелер қазіргі заманға тіптен сай келмейді.
Көрдіңіздер ме, көлік айдайтындар болса, мені растайды, бұдан көлік жүргізушісіне арналған дәрі-дәрмек қобдишасы әлдеқайда жетілген, бүгінгі медицинаның талабына сай дегенім ғой.
Қобдишаның сыртқы қабының өзі қандай қорқынышты, жұмсақ картоннан жасалған. Ал мына ысқышпен ешқандай ата-ана баласын жуындырмайды, бұл асүйде қолданылатын ысқыш секілді.
Сол секілді
резеңке емізікке тоқталғым келеді. Мынандайды кеңес заманында пайдаланған, содан қалған ғой. 80-ші жылдары доңғалақ жасайтын зауыттан шықты ма екен?..
Қазір бұдан жақсылары бар. Бірақ ескіні әкеліп салады, – дейді өзінің наразылығын білдірген ата-ана.
29 жастағы Арман Тастамбековтің 12-мамырда қызы дүниеге келді. Арада екі апта өткен соң ол жергілікті емханадан мемлекет ана мен бала беретін тегін дәрі-дәрмек қобдишасын алады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе