АҚШ президенті Трамп Қытай мен Ресей арнайы қызметтері тыңдайтын айфонды әлі пайдаланып жүр, деп жазды New York Times.
Өткен жылдың маусым айында генерал Джон Келли әкімшілік жетекшісі болғаннан соң, Трамп Ақ үйдің телефон желісін пайдалануды жиілеткен, бірақ бұл жағдай ұзаққа созылмаған, деп хабарлаған сәуір айында CNN телеарнасы. Көмекшілерінің наразылығына қарамастан, Трамп тыңдалуы мүмкін телефонды пайдалуды қайта жалғастырған. Бірақ президент ол әңгімелердің тыңдалатынын жақсы біледі.
The New York Times газетінің хабарлауынша, қытайлар Трамптың ірі кәсіпкер достарымен әңгімелерін тыңдауға мүдделі. Қытайлар бұл ақпаратты Ақ үй басшысына жақын кәсіпкерлермен байланыс орнату үшін пайдаланады, деп жазды америкалық басылым.