Индустрия және инфрақұрылымдық даму министрлігі Автомобиль жолдары комитетінің Жол активтері ұлттық сапа орталығы БАҚ өкілдері арасында жалпы жүлде қоры 2 млн теңгені құрайтын байқау жариялады.
“Қазақстандағы автожол саласы: 30 жылдағы жетістіктер” байқауы Қазақстан Республикасы Тәуелсіздігінің мерейтойын мерекелеу шеңберінде өткізіледі.
Байқаудың міндеті: Қазақстандағы автожол саласының қалыптасуы, дамуы, жетістіктері мен келешегі туралы айту.
Байқауға қазақстандық бұқаралық ақпарат құралдарының журналистері, жеке авторлар мен блогерлер қатыса алады.
Байқау келесі номинациялар бойынша өткізіледі:
1) “Үздік телевизиялық материал”;
2) “Әлеуметтік желілердегі үздік жарияланым”;
3) “Баспа басылымындағы үздік мақала”;
4) “Интернет-басылымдағы үздік жарияланым”.
Байқауға 2021 жылғы 1 қазан мен 10 желтоқсан аралығында мемлекеттік немесе орыс тілінде шыққан жұмыстар қабылданады. Байқауға ұсынылатын жұмыстар саны шектелмеген.
Қазылар алқасының құрамын тәуелсіз комиссия ұсынады, оған автожол саласындағы сарапшылар мен мамандар және беделді журналистер кіреді. Жұмыстарды бағалау кезінде қазылар алқасы келесі талаптарды негізге алады:
1) берілген тақырыптың өзектілігі және сәйкестігі;
2) тақырыпты ашу тереңдігі және ұсынылған ақпараттың шынайылығы;
3) баяндау стилі;
4) авторлық пайымның бірегейлігі.
Байқауға қатысу үшін материалдарды jolsapapress@gmail.com электронды поштасына жолдай аласыз. Байланыс телефоны: +7 (7172) 739-739.
Жұмыстар 2021 жылдың 10 желтоқсанына дейін Нұр–Сұлтан уақыты бойынша сағат 18:00-ге дейін қабылданады.
Байқау қорытындысы 2021 жылдың 14-16 желтоқсанында шығарылады.