Халықаралық олимпиада комитеті (ХОК) 1 қазанда 2026 жылы өтетін қысқы Олимпиада және Паралимпиада ойындарын өткізу құқығына ресми өтініш қабылдай бастады.
Батыс баспасөзі бұл Олимпиаданы өткізу құқығына Алматы қаласы қатысады деп, күтіп отыр, деп хабарлайды Sputnik.
Ал Insidethegames.biz басылымы өз кандидатураларын Канаданың Калгариі, жапонның Саппоросы, түріктің Эрзурумы мен Алматы қаласы ұсынуы бек мүмкін деп жазады.
Айта кетсек,
Алматы бұған дейін 2022 жылғы Қысқы Олимпиаданы өткізу құқығы үшін қатты таласып, ақыры финалда Пекинге жол берген. Оның алдында 2014 жылғы Қысқы Олимпиада үшін де таласқан (ол Олимпиада Сочиде өтті).
Алматы қаласында коньки жарысынан Еуропа мен Әлем чемпионаты, хоккейден жастар арасындағы Азия чемпионаты, қысқы Азиада және Қысқы Универсиада өтіп үлгерді.
2026 жылғы қысқы ойындарды өткізетін қала 2019 жылдың қыркүйегінде, Халықаралық олимпиада комитетінің Миландағы 132-ші сессиясында анықталатын болады.
Фото: © Sputnik / Анатолий Устиненко