4 қыркүйек күні Қазақстанның басым бөлігінде жауын-шашынсыз ауа райы күтіледі, тек солтүстік және солтүстік-батыста атмосфералық фронтальды бөліктердің өтуіне байланысты жаңбыр жауады, найзағай болады. Кей жерлерінде жел күшейеді.
Бұл туралы Қазгидромет хабарлады.
Шығыста түнде және таңертең кей жерлерінде тұман күтіледі. Ақмола, Қостанай, Солтүстік Қазақстан, Павлодар облыстарында, күндіз Ақтөбе облысының кей жерлерінде жел 15-20 м/с күшейеді.
Атырау, Қызылорда, Оңтүстік Қазақстан, Алматы облыстарында, Ақтөбе, Қарағаңды, Жамбыл облыстарының басым бөлігінде, Батыс Қазақстан, Қостанай, Ақмола, Шығыс Қазақстан, облыстарының кей жерлерінде өте жоғары өрт қаупі сақталады.