Австралия тұрғыны өзінің үйінің артқы жақтағы ауласынан тауып алған қою көк түсті түзілімді видеоға түсіріп, Желіге жүктеді. Бір қарағанда түрлі-түсті құм секілді көрінгенмен, әйел қолын тигізген соң қозғала бастайды.
Әйел қорқынышын жасыра алмай, басқа қолданушылардан бұның не екенін және енді не істеу керегін сұрады.
«Түнімен жауған жаңбырдан кейін, олар аулада пайда болды. Бұның не екенін білетіндер бар ма?» — деп сұрады.
«Мен бұндайды бұрын-соңды көрмеппін!» — деп жазды бір әйел.
Басқа бір пікір білдіруші «Бұл кинетикалық құмға ұқсайды» деген болжам жасады.
Кейбір қолданушылар әйелге «белгісіз тіршілік иелеріне» жанармай құйып, өртеп жіберіңіз, кейіннен басыңыз ауған жаққа қашыңыз деп кеңес берді.
Алайда пікір білдірушілердің бірі видеодағы тіршілік иелерін таныды, олар Anurida Maritima деп аталатын алты аяқты бунақ аяқтылар болып шықты.
Техас университетінің жанындағы ауылшаруашылығы мектебінің маманы Yahoo News-ке бұл жәндіктердің әлем бойынша кең тарағанын мәлімдеді. Олар тым кішкентай болғандықтан (1-1,5 мм) адамдар олар туралы біле бермейді. Көбінесе Anurida Maritima бақшаларда, шұңқырларда тіршілік етеді. Олар адамдарға және жануарларға қауіп төндірмейді, шақпайды және ауру таратпайды.