Атырауда экономикалық қылмысты ашумен айналысатын тергеуші сотталды
Атырау облысында Мемлекеттік кірістер департаментінің экономикалық тергеу қызметімен айналысатын аға тергеуші сотталды.
Бұл туралы Атырау облыстық сотының баспасөз қызметі хабарлады.
Атырау қаласының №2 сотында Атырау облысы мемлекеттік кірістер Департаменті экономикалық тергеу қызметінің аға тершеушісі А.Ш.-ға қатысты үкім шықты.
Сотта анықталғандай, тергеуші К. деген келіншекке лицензиясы болмаса да букмекерлік қызметпен айналыса беруіне рұқсат беріп, оны сырттай қолдауға уәде еткен. Олар «WhatsApp» әлеуметтік желісі арқылы өзара заңсыз букмекерлік кеңсе қызметі туралы хат жазысып, пара сомасына уағдаласқан. Атырау облысының антикоррупциялық қызметінің қызметкерлерімен жедел-тергеу шараларын жүргізу барысында А.Ш. 350 000 теңге көлемінде пара алып жатқан жерінен ұсталған.
Сот үкімімен А.Ш. ҚР Қылмыстық кодексінің 366-бабының 2-бөлігімен кінәлі деп танылып, оған қоса 55-баптың 4,6 бөліктері, яғни „Жаза тағайындауда ерекше жағдайларды ескеру„ бойынша оның жанұя, мүліктік жағдайы ескеріліп, оған тек 5 250 000 теңге көлемінде айыппұл салынды. Бірақ ол шенінен айырылып, енді мемлекеттік қызметте лауазымды қызмет атқара алмайтын болды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе